مــدونــة إبـــداع شـــاعـــر

أَهِلاَلٌ بَيْنَ هَالَهْ؟                     أَمْ غَزَالٌ في غِلاَلَهْ؟ صَادَ بِالَّلحظِ فُؤَادِي                     أَتَرى الْهُدْبَ حِبَالَهْ؟ غرني ، ثمَّ تولى                     لَيْتَ شِعْرِي، مَا بَدَا لَهْ؟ أَنَا مِنْ شَوْقِي إِلَيْهِ                     واقعٌ بينَ ضلالهْ أيها الظالمُ ! هبْ لي                     مَرَّة ً مِنْكَ الْعَدَالَهْ وَارْعَ لِي حَقَّ وِدَادٍ                     فيكَ ، لمْ أقطعْ حبالهْ منطقٌ عذبٌ ، وَ معنى                     يبسمُ السحرُ خلالهْ كُلُّ بَيْتٍ كَنَسِيجِ                     الرْ رَوْضِ حُسْناً وَطَلاَلَهْ أنا في الشعرِ عريقٌ                     لمْ أرثهُ عنْ كلالهْ كَانَ «إِبْرَاهِيمُ» خَالِي                     فيهِ مشهورَ المقالهْ وَ سما جدي " عليٌّ "                     يطلبُ النجمَ ، فنالهْ فَهْوَ لِي إِرْثٌ كَرِيمٌ                     سَوْفَ يَبْقَى في السُّلاَلَهْ 

فنان فقير على باب الله الجيب ما فيهشي ولا سحتوت والعمر فايت بيقول آه والقطر فايت بيقول توت صحيتني ليه يا شاويش يا شاويش أنا كنت سارح في الملكوت لما بنام بحلم وباعيش لما بفوق ما بفوقشي بموت وتقول على كبير السن وانا في قلبي ولد كتكوت وتشوفني ببكي وبانعي وائن والدنيا لسه بنت بنوت اشمعنى قلبي ضناه الشيب من الشقا مهري ومنكوت قال اللي قال العيب في الجيب والجيب ما فيهشي ولا سحتوت والعمر فايت بيقول آه والقطر فايت بيقول توت علي المحطة يا ولداه حتى المحطة كمان حتفوت

ولا كل الخشب بيخف ويعوم في الهوا ويطير إسألهم يا شيخ دردير أنا نمت الليلة دي كتير يقولوا لك حلمت شوية أيام العمل في الشمس بتشر العرق وعينيٌه وشافوني في دار الأحياء من رجب الإمام لبولاق مستعصي على الإلغاء نعناع العرب وفليه أيام العمل في الشمس بتشر العرق وعينيٌه مش خايب رجا ومتعوس وديوك يناقروا تيوس امبارح في روز اليوس اجتمعوا في باط الحية أيام العمل في الشمس بتشر العرق وعينيٌه وتيوس يناطحوا ديوك وانا قلبي موتور مفكوك وبيحمل كما المكوك الناس اللي رايحة وجاية أيام العمل في الشمس بتشر العرق وعينيٌه كان نور الخيال وياه بيغني على ليلاه باستغرب لأول آه مش لاقية الآهات في الخية أيام العمل في الشمس بتشر العرق وعينيٌه

إلى صلاح جاهين مفيش حاجات واحشاني يمكن .. يجوز .. قلم رصاص أصفر أستيكه أزرق فِ أخضر ما يتمسحش الحبر في ثواني أما الرصاص .. بيدوب ويتبخر يا عملة تذكاريّه ناسياني أنا ما نساكيش لو عمري يتبعتر ولو ألملم مِ التراب إسمي موشومه زي الحرق في جسمي وحمة دمار .. في قلبي ولساني ومفيش حاجات واحشاني حصاله يمكن .. قرشها صدّى طوفان برايز فضه نازل من الحصاله .. وأغاني ومفيش حاجات واحشاني ولا حتى فيروز لما غنت زروني ولا شجو شط اسكندريه ولا حتى ريحة البحر واحشاني ولا حتى خايف أقول اللي في قلبي .. قلبي .. بالمقلوب .. وبالمعدول حصاله فاضيه بلا حنين ولا فيها حنيّه ولا فِ حديد القلب أغنيه ولا وش إنساني ولا حاجه واحشاني لكن .. واحشاني الراجل الساكت بيبص لي مستني حصالة الكلام تتملي حَ أقولك إيه ؟ .. يا عيون في جلابيّه يا حنان بشبشب صوف وبطاقيّه كل قطورات الحبّ فاتت كتاكيتي من يوم سقعة ماتت الحب عنده برد .. وبيعطس شجن عجوز بطرطور صوف وسراويل صوف مفيش حاجات واحشاه ولا قالش ياه من زمن عايش وحيد وأنا زيّه وحداني بيبص لي .. وبابص له اتنين في عالم تاني الراديو مات ما عملتلوش

معقول يا ولاد بنقول باي باي؟ وخلاص المدرسة فايتينها شوفوا الأيام بتمر ازاي مش لسه يدوبك داخلينها يدوب عرفنا أسماء بعضينا لحقت تعدي سنين علينا وخلاص بنقول باي باي على طول يا مدرستنا يا حبيبتنا باي باي .. باي باي باي باي يا أحلى أيام حياتنا باي باي يا أغلى ذكرياتنا فُتناكِ بخير يا وش الخير يا مدرستنا يا حبيبتنا باي باي .. باي باي فُتناكِ بعافية يا شبابيك.. عقلنا كان يسرح برّاها ودّينا من المجهول مزازيك.. تنادينا وادينا طاوعناها و انتَ يا دي الملعب.. وانتِ يا دي التوتة كانت حدوتة .. وتوتة توتة وخلاص بنقول باي باي على طول يا مدرستنا يا حبيبتنا باي باي .. باي باي رايحين وجايين سوا صحبة تلات سنوات في المدرسة الطيبة ندرس ولاد وبنات عرفنا نحسب شعاع الشمس بالخطوة لكن أوان الوداع ما عملنالوش حسابات خلّصنا بدري.. وقالولنا يلا حنروح الجامعة.. يا رب انشالله وخلاص بنقول باي باي على طول يا مدرستنا يا حبيبتنا باي باي.. باي باي ياما غيرنا اتجمعوا قبلينا واتفرقوا تاني ونسيوا زمان بس احنا خصوصي لوحدينا لازم نفضل أهل وخلان دي عِشرة حلوة.. حرام تضيع مرت يا عيني.. سريع سر